Әрбір бала – сапалы тәрбие мен білім алуға лайық. Осы мақсатта «Алтын ұя» жеке бөбекжай-бақшасы мектепке дейінгі ұйыммен қамтылмай қалған балалар мен олардың ата-аналарына арналған Консультациялық пункттің жұмысын ұйымдастырады.

Консультациялық пункттің басты мақсаты – мектепке дейінгі ұйымға бармайтын балалардың жан-жақты дамуына қолдау көрсету, ата-аналарға бала тәрбиесі мен дамуы мәселелері бойынша кәсіби кеңес беру, сондай-ақ отбасындағы тәрбиенің тиімді жолдарын насихаттау.

Ата-аналар мектепке дейінгі тәрбиелеу мен оқыту, баланы мектепке даярлау, денсаулығын нығайту және отбасылық тәрбиені ұйымдастыру мәселелері бойынша жан-жақты кеңес ала алады.

Консультациялық пункттің жұмысы әрбір отбасының сұранысына сай ұйымдастырылып, бала мен ата-ананың қажеттілігіне сәйкес жеке және топтық кездесулер, кеңестер, тренингтер мен шеберлік сабақтары өткізіледі.

Құрметті ата-аналар!

Балаңыздың жарқын болашағы – бүгінгі дұрыс тәрбие мен сапалы қолдаудан басталады. Біз сіздерді Консультациялық пункттің қызметін тиімді пайдаланып, балаңыздың жан-жақты дамуына бірге атсалысуға шақырамыз.

«Алтын ұя» жеке бөбекжай-бақшасының Консультациялық пункті – әрбір ата-анаға сенімді серік, әрбір балаға жарқын болашаққа бастар алғашқы қадам.

Біз сіздерге әрдайым қолдау көрсетуге дайынбыз!